بسم الله نبداء: مواقيت الصلاة

مواقيت الصلاة

الخمس صلوات المفروضة كما قلنا سابقاً هم: (الفجر، الظهر، العصر، المغرب و العشاء)، لها مواقيت معروفة؛ علمها جبريل عليه السلام للنبى محمد(صلى الله عليه وسلم) في حديث طويل؛ وأنا لن أذكر الحديث و لكن سوف أشرح هذه المواقيت بطريقة سهلة إنشاء الله

(وعلى فكرة ممكن تعرف معاد الصلاة برضه بطريقة سهلة؛ إنك تبص فى النتيجة أو تسمع الأذان في الراديو، بس أنا حبيت إننا كلنا نعرف أصل الموضوع إيه )

1. صلاة الفجر

بداية وقتها: عند ظهور الخيط الأبيض في الأفق؛ (وإنت مثلاً فى الصحراء بالليل بتبص على آخر حاجة عينك ممكن تجيبها ناحية الشرق هتلاقي السماء والأرض متقابلين مع بعض؛ هو ده الأفق، قبل طلوع الشمس بشويه تلاقي كده عند الأفق ده؛ خيط نور ممتد بعرض الأفق(هو مش باين أوي في الصورة بس حاول تركز هتجيبه)؛ هوه ده وقت الفجريعنى ساعتها تقوم تأذن للفجر وتصلى، ولابد إنك تأخذ بالك من نقطة مهمة وهى أن هذا المنظرلابد أن يكون ناحية الشرق ، لسبب بسيط جداً وهو إن قبل الوقت ده بشوية ناحية الغرب ؛الناحية الثانية يعنى؛ بيبقى فيه نفس المنظر بس ده "الفجر الكاذب" معرفش هونتيجة إيه بالظبط بس هو ما بيفرقش في حاجة غير أنه ممكن نقول إنه إنذار قبل الفجر علشان لو حد هيصوم يلحق يشرب بق مايه قبل ما يأذن عليه)

نهاية وقتها: شروق الشمس؛ (يعنى أول ما الشمس تبتدئ تظهر )

كل ده لسه وقت الفجر لم ينتهى

كده وقت الفجر خلاص خلص

2.صلاة الظهر:

بداية وقتها: بداية الزوال؛ (يعنى في وسط النهار تكون الشمس عمودية على الأرض فبيكون ظل كل حاجة تحتها بالظبط، أول ما الظل يبتدى يتحرك من تحتها؛(يبتدئ الظل يطول يعنى)؛ يبداء وقت الظهر)

نهاية وقتها: عندما يكون ظل كل شئ مثله؛(يعنى لما يكون طول الظل نفس طول الحاجة اللى عَمَلَتهُ) (بداية وقت العصر).

3. صلاة العصر:

بداية وقتها: عندما يكون ظل كل شئ مثله؛(يعنى لما يكون طول الظل نفس طول الحاجة اللى عَمَلَتهُ).

نهاية وقتها: عندما تغيب الشمس عن الأفق ويبقى فقط الشفق اللأحمر(بداية وقت الغرب).